Уч шохли нерв невралгиясини даволашнинг янги услуби энди Ўзбекистонда !
Кўп ҳолларда уч шохли нерв невралгияси тиш оғриғи сингари намоён бўлади. Дасттаввал бемор тиш оғридан шикоят қилиб стоматологларга мурожат қилади, врач оғиз бўшлиғини текширувдан ўтказади, лекин оғриқ давом этади. Айрим холларда беморнинг қистови билан соғлом тишлар ҳам олиб ташланади. Шунга қарамай оғриқ бошқа тишларда пайдо бўлади. Оғриқ чидаб бўлмас даражага етади, бу худди беморнинг юз қисмига электр токи ургандек намоён бўлади. Тишларни тозалаш, овқатланиш, совуқ ҳаво ва хатто гаплашиш ҳам оғриқни қўзғатиб юборади. Бемор оғриқлардан қўрқиб қолади, оғриғим бошланиб қоладими деб доим қўрқиб туради. Оғриқ қаттиқ бўлган вақтларда бемор юзининг оғриқ бўлаётган қисмини қаттиқ босишга, оғриқни пасайтиришга харакат қилади. Баъзан юздаги оғриқларга оғиз бўшлиғи ва тилдаги оғриқлар ҳам қўшилади. Кўпинча беморлар кетма-кет бир нечта соғлом тишларини ҳам олдириб юборишади ва шундан сўнг неврапатолог қабулига келишади.
Уч шохли нерв невралгиясини даволаш.
1. Консерватив услубда даволаш:
Уч шохли нерв невралгиясини даволашнинг консерватив босқичида асосан антиконвулсантлар қабул қилинади: карбамазепин (финлипсин, карбалекс). Даволашнинг кейинги босқичларида габапентин (габагамма, тебантин) ёки прегабалин (лирика) каби дори воситалари қўлланилади. Лекин вақт ўтиши билан ушбу дори воситалари ҳам оғриқни етарли миқдорда пасайтира олмай қолади. Бундай холатларда бемор жаррохлик йўли орқали даволанади.
2. Жаррохлик услубида даволаш:
Ҳозирги кунда замонавий тиббётда икки хил услубдаги жаррохлик амалиётлари кенг тарқалган.
1.Уч шохли нерв илдизининг микроваскуляр декомпрессияси.
Ушбу жаррохлик услубида орқа бош суяги асоси чукурчаси трепанацияси амалга оширилади. Уч шохли нерв илдизчалари, юкори ва пастки олдинги мияча артериялари ва юкори тошсимон вена ревизияси амалга оширилади. Нерв илдизчаси қон томирлар томонидан босилиши аниқланган ҳолатда махсус болишча қўйилиб нерв илдизчаси босилишига бархам берилади.
Бироқ нерв ва қон томир компрессияси ҳар доим хам касалликнинг сабаби хисобланавермайди, бундан ташқари оғир соматик паталогияга чалинган ва кекса ёшли беморларда ушбу жаррохлик амалиётини ўтказишни имкони бўлмайди.
<iframe width="640" height="360" src="https://www.youtube.com/embed/pt2rEhoOttE" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
2. Бундай холат беморлар учун иккинчи услуб қўлланилади. Бу ҳозирги кунда дунёнинг етакчи нейрожарррохлик клиникаларида кенг қўлланилиб келинаётган уч шохли нерв невралгиясини радиотўлқинли денервация қилиш услуби хисобланади. Бу услуб энг самарали, бошқарилувчан ва жиддий асоратга эга бўлмаган услуб хисобланиб. Бунда ҳеч қандай тиғсиз ва наркозсиз кичкина 3мм лик овал тешиги орқали нейрожаррохлар махсус электрод ёрдамида керакли жойга етиб боришади ва бемор билан мулоқат қилган холда уч шохли нервнинг зарурий шохини топиб, радиотўлқин ёрдамидан уч шохли нервнинг фақат оғриқ бўлаётган шохининг сезувчанлиги пасайтирилади. Жаррохлик амалиётининг барча босқичи ренгтген назорати остида ўтказилади ва хеч қандай жиддий асоратга эга эмас. Беморга шу куннинг ўзида уйига рухсат берилади.
Радиотўлқинли денервация услуби физик биологик принципларга асосланган бўлиб, биологик тўқималардан ультра юқори частотали радиотўлқин ўтган вақтда иссиқлик энергияси ажралиб чиқади. Керакли жойга генераторга уланган изоляцияланган электрод ёрдамида етиб борилади. Услубнинг афзаллик тарифидан бири, уч шохли нерв илдизчалари радиочастотали деструкциясининг тўлиқ бошқарувчанлиги булиб, актив электроддаги махсус термодатчик орқали температура тўлиқ назорат қилинади.
Муолажа самараси бевосита операция якунида амалга ошади. Махаллий оғриқсизлантириш остида ўтказилувчи бу муолажа беморнинг қисқа муддатда тикланиши, оғриқларнинг узоқ йиллар давомида ёки умуман бўлмаслигига олиб келади. Ривожланган давлатлар тажрибасида ушбу даволаш усули самарадорлиги 85% дан ортиқни ташкил этади.
Бизнинг клиникамизда ушбу радиотўлқинли денервация услубида уч шохли нерв невралгиясидан азият чекаётган беморлар самарали даволаниб келинмоқда. Агар Сизнинг ёки яқинларингизнинг уч шохли нерв невралгияси билан боғлиқ муаммоси бўлса, бизнинг юқори малакали шифокорларимиз ёрдам беришга доимо тайёр.
Чинобод Файз Плюс нейрожаррохлик клиникаси.
Мурожат учун телефон: +998 91 609 56 41 Хуршидбек
